الناس أتغيرت .

/ الناس أتغيرت .. 

بيقولوا الناس اتغيرت 

بيقولوا الناس بقت وحشه 

بيقولوا مبقاش فيه امان 

بيقولوا مبقاش فيه حب 

بيقولوا الكل بيغدر 

بيقولوا الكل بيخون 

واحنا ماشيين وبنسمع 

والكل يقول ويقول 

طب مين الى اتغير 

ومين الى بقه وحش 

مدام كلنا بنقول ان الناس اتغيرت 

مش برضه احنا من الناس 

مدام الناس اتغيرت يبقى احنا كمان اتغيرنا 

نرجع ونقول متغيرناش 

دى الناس الى اتغيرت 

الكل نسى جارة 

الكل نسى صحبه 

ده الاهل كمان نسيونا 

يعنى احنا مبننساش 

الناس بعدت عننا 

الناس بقت قاسيه علينا 

يعنى احنا الى ملايكه 

ونرجع ونقول من تانى 

الناس اتغيرت 

واقفين قدام مرايتنا 

نسألها كما فالاساطير 

مين احسن مننا 

وتقولنا مفيش 

وتقولنا مفيش 

ونصدق كدبتنا 

ونعيش وكأنها صدق 

ونقول احنا الاحسن 

ومفيش غيرنا على الحق 

ونبص فكشف حسابنا 

نغمض عنينا ومانبص 

خايفين من حقيقيتنا 

الى كلها كدب فكدب 

نتكلم على كل الناس 

ماهى كلها عيوب فعيوب 

لكن احنا مبنغلط ابدا 

احنا على طول الصح 

ياسلا سلم عالحق 

الى بقى كله كدب 

وحقيقه كدبناها 

واسطورة عشنا فيها 

ونقول العيب فالزمن 

والحق العيب جوانا 

ماشيين بقناع الاخلاق 

واحنا ولا نعرف معانيها 

بنحفر فعيوب غيرنا 

وكأننا مبنغلط ابدا 

امتى هنكسر مرايتنا 

ونبص جوانا بالحق 

نحاسب نفسنا مش غيرنا 

ونقول الحق بجد